30-ാമത് നോർത്ത് അമേരിക്ക ചർച്ച് ഓഫ് ഗോഡ് കോൺഫറൻസിന് പുതിയ ഭാരവാഹികളെ തെരഞ്ഞെടുത്തു

ഓസ്റ്റിൻ (ടെക്സാസ്): നോർത്ത് അമേരിക്ക ചർച്ച് ഓഫ് ഗോഡ് കോൺഫറൻസിന്റെ 30-ാമത് സമ്മേളനത്തിൽ പുതിയ ഭാരവാഹികളെ തെരഞ്ഞെടുത്തു.

പുതിയ പ്രസിഡന്റായി പാസ്റ്റർ എബ്രഹാം തോമസ്, വൈസ് പ്രസിഡന്റായി പാസ്റ്റർ എബി തോമസ്, സെക്രട്ടറിയായി ഫിന്നി ഫിലിപ്പ്, ട്രഷററായി ഡോ. അജി ഇടിക്കുള എന്നിവർ തിരഞ്ഞെടുക്കപ്പെട്ടു.

ഇംഗ്ലീഷ് സർവീസ് കോ-ഓർഡിനേറ്ററായി പാസ്റ്റർ ജെറമി മാത്യു, നാഷണൽ മീഡിയ കൺവീനറായി ബാബുകുട്ടി ജോർജ്, പ്രയർ കോ-ഓർഡിനേറ്ററായി പാസ്റ്റർ ബാബു മാത്യു എന്നിവരും തിരഞ്ഞെടുക്കപ്പെട്ടു.
പുതിയ ഭാരവാഹികളെ സമ്മേളന പ്രതിനിധികൾ അഭിനന്ദിക്കുകയും, വരും പ്രവർത്തന കാലയളവിൽ കോൺഫറൻസിന്റെ ആത്മീയവും സംഘടനാപരവുമായ പ്രവർത്തനങ്ങൾക്ക് ദൈവം സമൃദ്ധമായി അനുഗ്രഹിക്കട്ടെയെന്ന് ആശംസിക്കുകയും ചെയ്തു.

30-ാമത് നോർത്ത് അമേരിക്ക ചർച്ച് ഓഫ് ഗോഡ് കോൺഫറൻസിന് നേതൃത്വം നൽകുന്ന പുതിയ ടീം സഭയുടെ ഐക്യത്തിനും ആത്മീയ വളർച്ചയ്ക്കും ശുശ്രൂഷാ വിപുലീകരണത്തിനും ഫലപ്രദമായ നേതൃത്വം നൽകുമെന്ന പ്രത്യാശയാണ് വിശ്വാസിസമൂഹം പങ്കുവയ്ക്കുന്നത്.

- Advertisement -