ഐപിസി കാനഡ റീജിയൻ കൺവെൻഷൻ ഒരുക്കങ്ങൾ പുരോഗമിക്കുന്നു

ടോറോന്റോ : ഐപിസി കാനഡ റീജിയൻ കൺവെൻഷൻ ടോറോന്റോ പട്ടണത്തിൽ വച്ച് 2026 ജൂലൈ 31 , ഓഗസ്റ്റ് 1, 2 തീയതികളിൽ നടത്തപ്പെടുന്നു. ജൂലൈ 31, ഓഗസ്റ്റ് 1,വെള്ളി, ശനി എന്നീ തീയതികളിൽ ടോറോണ്ടോയിലെ കേരള ക്രിസ്ത്യൻ അസംബ്ലിയിൽ (KCA) വച്ചും ഓഗസ്റ്റ് 2 നു ഞായറാഴ്ച സംയുക്ത സഭായോഗം ഹംബർവാലി യുണൈറ്റഡ് ചർച്ചിലും വെച്ച് നടത്തപ്പെടും . കാനഡയിലെ വിവിധ പ്രൊവിൻസുകളിൽ നിന്നുള്ള സഭകളിൽ നിന്നും പാസ്റ്റർമാരും വിശ്വാസികളും ഈ കൺവെൻഷനിൽ പങ്കെടുക്കും. റീജിയൻ പ്രസിഡന്റ് പാസ്റ്റർ എബി കെ ബെൻ ഉദ്ഘാടനം ചെയ്യുന്ന ഈ സമ്മേളനത്തിൽ പാസ്റ്റർ തോമസ് ഫിലിപ്പ്, വെൺമണി മുഖ്യ പ്രാസംഗികനായിരിക്കും. ഡോ : ടോം ഫിലിപ്പ്, ഹ്യൂസ്റ്റൻ ആരാധനയ്ക്ക് നേതൃത്വം നൽകും.പാസ്റ്റർ വർഗീസ് ഈശോയുടെ നേതൃത്വത്തിലുള്ള റീജിയൻ ക്വയർ ഗാനശുശ്രൂഷയ്ക്ക് നേതൃത്വം നൽകും. കൺവെൻഷന്റെ ഒരുക്കങ്ങൾ പൂർത്തിയായി വരുന്നതായി റീജിയൻ സെക്രട്ടറി പാസ്റ്റർ ബെറിൽ തോമസ്, പബ്ലിസിറ്റി കൺവീനർ സജു യോഹന്നാൻ എന്നിവർ അറിയിച്ചു .

- Advertisement -