എവരി ഹോം ക്രൂസൈഡ് മുൻ പ്രസിഡന്റ് ഡോ. ഡിക്ക് ഈസ്റ്റ്മാൻ നിത്യതയിൽ ചേർക്കപ്പെട്ടു

അന്താരാഷ്ട്ര സുവിശേഷ പ്രവർത്തന രംഗത്തും പ്രാർത്ഥനാ ശുശ്രൂഷകളിലും ശ്രദ്ധേയനായ ഡിക്ക് ഈസ്റ്റ്മാൻ അന്തരിച്ചു. ദീർഘകാലം എവറി ഹോം ഫോർ ക്രൈസ്റ്റ് സംഘടനയുടെ അന്താരാഷ്ട്ര പ്രസിഡന്റായിരുന്ന അദ്ദേഹം 34 വർഷത്തോളം ഈ ചുമതല വഹിച്ചു. 2022-ൽ സ്ഥാനമൊഴിഞ്ഞ ശേഷവും പ്രസിഡന്റ് എമിറിറ്റസായും ഡയറക്ടർ ബോർഡിലെ മുഖ്യ പ്രാർത്ഥനാ ഉദ്യോഗസ്ഥനായും സേവനം തുടർന്നു.
1980-കളിൽ ഗ്രാമങ്ങളിലേക്ക് മടങ്ങി ക്രിസ്തുവിനെ സ്വീകരിച്ചവരെ കൂട്ടിച്ചേർത്ത് “ക്രൈസ്റ്റ് ഗ്രൂപ്പുകൾ” രൂപീകരിക്കുന്ന പ്രവർത്തനത്തിൽ ഈ സംഘടന വലിയ മുന്നേറ്റം കൈവരിച്ചു. അന്നത്തെ കാലഘട്ടത്തിൽ ദിവസേന ശരാശരി രണ്ട് മുതൽ മൂന്ന് വരെ പുതിയ ഗ്രൂപ്പുകൾ രൂപപ്പെട്ടിരുന്നപ്പോൾ, 2010 മുതൽ 2020 വരെ വർഷംതോറും 20,000-ത്തിലധികം ക്രൈസ്റ്റ് ഗ്രൂപ്പുകൾ രൂപപ്പെട്ടതായി റിപ്പോർട്ട് ചെയ്യപ്പെട്ടു.

സോഷ്യൽ സൈക്കോളജിയിൽ ഡോക്ടറേറ്റ് നേടിയ ഈസ്റ്റ്മാൻ, 1970-കളിൽ രൂപം കൊണ്ട നാഷണൽ പ്രയർ കമ്മിറ്റി എന്ന സംഘടനയുടെ സ്ഥാപകാംഗങ്ങളിൽ ഒരാളായിരുന്നു. പിന്നീട് ഇതിൽ നിന്നാണ് നാഷണൽ ഡേ ഓഫ് പ്രയർ ടാസ്‌ക് ഫോഴ്‌സ് രൂപം കൊണ്ടത്. അമേരിക്കയിൽ ഓരോ വർഷവും മേയ് മാസത്തിലെ ആദ്യ വ്യാഴാഴ്ച ദേശീയ പ്രാർത്ഥനാദിനമായി പ്രഖ്യാപിക്കാനുള്ള ശ്രമങ്ങൾക്ക് അദ്ദേഹം നേതൃത്വം നൽകി. 1988 മേയ് 5-ന് പ്രസിഡന്റ് റോണൾഡ് റീഗൺ നിയമത്തിൽ ഒപ്പുവെച്ചതോടെ ഇത് സ്ഥിരമായ ദേശീയ ദിനമായി.
അസംബ്ലീസ് ഓഫ് ഗോഡ് സഭയുടെ ജനറൽ സൂപ്രണ്ടായ ഡഗ് ക്ലേ പറഞ്ഞു: “ഡിക്ക് ആയിരക്കണക്കിന് പാസ്റ്റർമാരെയും സഭകളെയും പ്രാർത്ഥനയിലും സുവിശേഷവത്കരണത്തിലും പരിശീലിപ്പിച്ചു. പ്രാർത്ഥനയും സുവിശേഷവത്കരണവും തമ്മിലുള്ള നേരിട്ടുള്ള ബന്ധം അദ്ദേഹം സഭയ്ക്ക് വ്യക്തമാക്കിയ വ്യക്തിയായിരുന്നു.”
24 പുസ്തകങ്ങളുടെ രചയിതാവായ ഈസ്റ്റ്മാന്റെ 10 ദശലക്ഷത്തിലധികം കോപ്പികൾ പ്രസിദ്ധീകരിക്കപ്പെട്ടു. പ്രാർത്ഥനയും സുവിശേഷവത്കരണവും വിഷയമാക്കി നിരവധി ലേഖനങ്ങളും അദ്ദേഹം രചിച്ചു. ലോകമെമ്പാടുമുള്ള കോൺഫറൻസുകളിലും ആത്മീയ സംഗമങ്ങളിലുമായി അദ്ദേഹം പ്രസംഗകനായിരുന്നു.

അദ്ദേഹത്തിന്റെ ശുശ്രൂഷയിലൂടെ 250 കോടി വീടുകളിൽ സുവിശേഷം എത്തിക്കുകയും, ഏകദേശം 25 കോടി പേർ ക്രിസ്തുവിനെ സ്വീകരിച്ചതായി രേഖപ്പെടുത്തുകയും ചെയ്തു.
2025-ൽ അസംബ്ലീസ് ഓഫ് ഗോഡ് സഭയുടെ ലൈഫ്‌ടൈം അച്ചീവ്‌മെന്റ് അവാർഡ് അദ്ദേഹത്തിന് സമ്മാനിക്കപ്പെട്ടു. സഭാ ചരിത്രത്തിൽ വലിയ സ്വാധീനം ചെലുത്തിയ വ്യക്തികൾക്കാണ് ഈ ബഹുമതി നൽകുന്നത്.

61 വർഷത്തെ ദാമ്പത്യജീവിതത്തിലെ ഭാര്യ ഡീ, മക്കളായ ഡീന ജെഫേഴ്സൺ, ജിംജർ പെട്രില്ലോ, ദൈവം നൽകി.
കുടുംബം സ്വകാര്യ ശവസംസ്കാര ശുശ്രൂഷ നടത്തും. പിന്നീട് പൊതുസ്മാരക ശുശ്രൂഷ സംഘടിപ്പിക്കുമെന്ന് എവറി ഹോം ഫോർ ക്രൈസ്റ്റ് അറിയിച്ചു.

- Advertisement -