ലേഖനം: മനോവ്യസനം ഉള്ള സ്ത്രീ | ബീബ വിനോദ്

മനോവ്യസനം അനുഭവിക്കുന്ന സ്ത്രീയെക്കുറിച്ച് ബൈബിൾ നമുക്ക് ആശ്വാസവും പ്രത്യാശയും നൽകുന്നു.

1 ശമുവേൽ 1:10-ൽ ഹന്നയ്ക്ക് മകൻ ഇല്ലാത്തതിനാൽ അവൾ വലിയ മനോവ്യസനത്തിൽ ആയിരുന്നു. അവൾ ദൈവസന്നിധിയിൽ കരഞ്ഞ് പ്രാർത്ഥിച്ചു. ദൈവം അവളുടെ പ്രാർത്ഥന കേട്ട് ശമുവേൽ എന്ന മകനെ നൽകി അനുഗ്രഹിച്ചു. തകർന്ന മനസ്സോടെ ദൈവത്തോട് തുറന്നു പറഞ്ഞതിന്റെ മറുപടിയാണ് അത്.

എന്താണ് മനോവ്യസനം?

മനോവ്യസനം (Depression) എന്നത് ഒരാൾക്ക് ദീർഘകാലമായി ദുഃഖം, നിരാശ, താൽപര്യക്കുറവ് എന്നിവ അനുഭവപ്പെടുന്ന ഒരു മാനസികാരോഗ്യ അവസ്ഥയാണ്. ലളിതമായി പറഞ്ഞാൽ,

മനസ്സ് പതിവിലേക്കാൾ ഏറെ നേരം താഴ്ന്ന നിലയിൽ തുടരുകയും, സന്തോഷം അനുഭവിക്കാൻ കഴിയാതെ വരികയും ചെയ്യുന്ന അവസ്ഥയാണ് മനോവ്യസനം.

സാധാരണ ലക്ഷണങ്ങൾ:

എപ്പോഴും ദുഃഖം തോന്നുക

ഒറ്റപ്പെട്ടതായി തോന്നുക

കരയാൻ തോന്നുക

ഉറക്കം കുറയുക അല്ലെങ്കിൽ കൂടുതലാകുക കാര്യങ്ങളിൽ താൽപര്യം കുറയുക ഭയം, ആശങ്ക

മനോവ്യസനം ഒരാളുടെ ബലഹീനതയല്ല. അത് ശ്രദ്ധയും കരുതലും ആവശ്യമായ ഒരു അവസ്ഥയാണ്.

ജീവിതത്തിൽ നാം ഏറെ സ്നേഹിക്കുന്നവർ നമ്മെ ചതിച്ചാൽ ആ മുറിവ് ഏറെക്കാലം നിലനിൽക്കും. മറക്കാൻ ശ്രമിച്ചാലും, “ഇനി എല്ലാം നന്നാകും” എന്ന് ചിന്തിച്ചാലും, ആ വേദന ഒരു നീറ്റലായി മനസ്സിൽ തുടരും.

ദാമ്പത്യ വിശ്വാസംഒരു ഭാര്യയും ഭർത്താവിനോടോ, ഭർത്താവും ഭാര്യയോടോ ഒന്നും മറച്ചുവെക്കരുത്.

കുടുംബജീവിതത്തിൽ പരസ്പരം വിശ്വാസവും സത്യസന്ധതയും അനിവാര്യമാണ്.

അവിഹിതബന്ധങ്ങൾ ഒരാളും സഹിക്കാൻ കഴിയാത്ത വേദന ഉണ്ടാക്കും.

എബ്രായർ 13:4-ൽ പറയുന്നു:

“വിവാഹം എല്ലാവർക്കും മാന്യമായിരിക്കട്ടെ; കിടക്ക നിർമ്മലമായിരിക്കട്ടെ.”

മനോവ്യസനം ഒരു വ്യക്തിയുടെ ചിന്ത, വികാരം, ശരീരാവസ്ഥ, പെരുമാറ്റം എന്നിവയെ ബാധിക്കുന്നു. ചിലർക്കിത് കുറച്ച് ആഴ്ചകൾക്കകം മാറും; ചിലർക്കിത് മാസങ്ങളോളം നീണ്ടുനിൽക്കും.

സങ്കീർത്തനം 42:11 പറയുന്നു:

“എന്റെ ആത്മാവേ, നീ വിഷാദിച്ച് ഉള്ളിൽ ഞരങ്ങുന്നതെന്ത്? ദൈവത്തിൽ പ്രത്യാശ വയ്ക്കുക.”

ഇത് നിരാശയിലും പ്രത്യാശയിലേക്ക് തിരിയാനുള്ള പ്രചോദനമാണ്.

 

സ്ത്രീകളിൽ മനോവ്യസനത്തിന്റെ ചില കാരണങ്ങൾ

1. കുടുംബജീവിതത്തിലെ പ്രശ്നങ്ങൾ

വിവാഹിതയായ സ്ത്രീ പുതിയ കുടുംബത്തിലേക്ക് പ്രവേശിക്കുമ്പോൾ, ഭർത്താവിന്റെ സ്നേഹവും പിന്തുണയും അത്യന്താപേക്ഷിതമാണ്.

അവൻ ചേർത്ത് നിർത്തിയാൽ വലിയ പ്രശ്നങ്ങളും ചെറിയവയായി മാറും.

2. പ്രസവാനന്തര ഹോർമോൺ മാറ്റങ്ങൾ കുഞ്ഞ് പിറന്നതിന് ശേഷം ഹോർമോൺ മാറ്റങ്ങൾ സ്ത്രീയുടെ മാനസികാവസ്ഥയെ ബാധിക്കാം.

ഈ സമയത്ത് ഭർത്താവിന്റെ സ്നേഹവും പിന്തുണയും വളരെ പ്രധാനമാണ്.

3. സാമ്പത്തിക പ്രശ്നങ്ങൾ

സാമ്പത്തിക കുറവ് സ്ത്രീകളെ മാനസികമായി ബാധിക്കാം.

“നീ ഒന്നും ചെയ്യുന്നില്ല” പോലുള്ള കുറ്റപ്പെടുത്തലുകൾ അവളെ കൂടുതൽ വേദനിപ്പിക്കും.

അതിന് പകരം:

“സാരമില്ല, നാളെയെല്ലാം ശരിയാകും” എന്ന വാക്കുകൾ അവൾക്ക് ശക്തി നൽകും.

വിശ്വാസവഞ്ചനയും മാനസിക പീഡനവും ഒരാളുടെ ജീവിതത്തെ ഗുരുതരമായി ബാധിക്കും.

സ്ഥിരമായി അപമാനിക്കൽ, അവഗണിക്കൽ, താരതമ്യം ചെയ്ത് താഴ്ത്തുക എന്നിവ മാനസിക പീഡനത്തിന്റെ രൂപങ്ങളാണ്.

ഇവ കാരണം: ആത്മവിശ്വാസക്കുറവ്, ഭയം, നിരാശ, ഒറ്റപ്പെട്ടതിന്റെ ബോധം

ഇവ ഉണ്ടാകാം. അതുകൊണ്ട് തുറന്ന സംവാദവും കൗൺസിലിംഗും വളരെ പ്രധാനമാണ്.

 

മനോവ്യസനം എങ്ങനെ കുറയ്ക്കാം?

മനോവ്യസനത്തിൽ കഴിയുന്ന സ്ത്രീകളോട് സ്നേഹം കാണിക്കുക, വിശ്വാസം കാത്തുസൂക്ഷിക്കുക, ചേർത്ത് നിർത്തുക,അംഗീകരിക്കുക

മാന്യതയോടെ പെരുമാറുക

ഇവയെല്ലാം അവളുടെ മാനസിക മുറിവുകൾ കുറയ്ക്കാൻ സഹായിക്കും.

സ്ത്രീയുടെ മാനസിക ആരോഗ്യം സംരക്ഷിക്കുന്നത് കുടുംബത്തിന്റെ സമാധാനത്തിനും സമൂഹത്തിന്റെ പുരോഗതിക്കും അത്യന്താപേക്ഷിതമാണ്.

സ്നേഹവും ബഹുമാനവും കരുതലും നൽകിയാൽ അവൾ വീണ്ടും പ്രത്യാശയോടെ ആത്മവിശ്വാസത്തോടെ ജീവിതത്തിലേക്ക് മുന്നേറാൻ കഴിയും.

 

ബീബ വിനോദ്