തിരുവനന്തപുരം: സംസ്ഥാനത്തെ പുതിയ പൊലീസ് മേധാവിയായി അനില്കാന്ത് ഐപിഎസ് ചുമതലയേറ്റു. 1988 ബാച്ചിലെ ഐ പി എസ് ഉദ്യോഗസ്ഥനായ അദ്ദേഹം ദളിത് വിഭാഗത്തില് നിന്നുളള സംസ്ഥാനത്തെ ആദ്യത്തെ പൊലീസ് മേധാവിയാണ്.എഡിജിപി കസേരയില് നിന്നും നേരിട്ട് പൊലീസ് മേധാവിയാകുന്നുവെന്ന പ്രത്യേകത കൂടിയുണ്ട്.
ഡല്ഹി സ്വദേശിയായ അനില്കാന്ത് നിലവിലെ റോഡ് സുരക്ഷാ കമ്മിഷണറാണ്. പൊലീസ് സേനയിലും രാഷ്ട്രീയ നേതൃത്വത്തിലും പൊതുവേ സ്വീകാര്യനായ ആളാണ് അനില്കാന്ത്. അടുത്ത ജനുവരി വരെ അദ്ദേഹം പൊലീസ് മേധാവിയായി തുടരും. ക്രമസമാധാന ചുമതലയുള്ള എ ഡി ജി പി, വിജിലന്സ് ഡയറക്ടര്, ഫയര് ഫോഴ്സ് മേധാവി എന്നീ ചുമതലകള് നേരത്തെ അനില് കാന്ത് നിര്വഹിച്ചിട്ടുണ്ട്.
പുതിയ പൊലീസ് മേധാവിയെ നിയമിക്കാന് മൂന്നു പേരുടെ ചുരുക്കപ്പട്ടികയാണ് യു പി എസ് സി സംസ്ഥാന സര്ക്കാരിനു മുമ്ബാകെ വച്ചത്. സുദേഷ് കുമാര്, ബി സന്ധ്യ എന്നിവരായിരുന്നു പട്ടികയില് ഉണ്ടായിരുന്ന മറ്റ് രണ്ടുപേര്. വിവാദങ്ങളില്ലാത്ത സര്വീസ് ചരിത്രം പരിഗണിച്ച് മറ്റു രണ്ടു പേരെയും ഒഴിവാക്കി അനില് കാന്തിനെ നിയമിക്കാന് മന്ത്രിസഭായോഗം തീരുമാനിക്കുകയായിരുന്നു.
- Advertisement -
Comments are closed.