ടെക്‌സസില്‍ ജന്മദിനാഘോഷത്തിനിടയില്‍ വെടിവെയ്പ്: 4 മരണം

ഡാലസ്: സൗത്ത് ടെക്‌സസില്‍ ജന്മദിനാഘോഷത്തിനിടെ ഉണ്ടായ വാക്കേറ്റത്തെ തുടര്‍ന്നു നടന്ന വെടിവയ്പില്‍ നാലു പേര്‍ കൊല്ലപ്പെടുകയും ഒരാള്‍ക്കു ഗുരുതരമായി പരുക്കേല്‍ക്കുകയും ചെയ്തു. കോര്‍പസ് ക്രിസ്റ്റിയില്‍ നിന്നും പന്ത്രണ്ടു മൈല്‍ വടക്കു മാറി ട്രിഫ്റ്റില്‍ ശനിയാഴ്ച വൈകിട്ടായിരുന്നു വെടിവയ്പ് നടന്നതെന്ന് സെര്‍ജന്റ് നാഥന്‍ ബ്രാന്‍ഡ് ലി പറഞ്ഞു.

post watermark60x60

സംഭവത്തെ തുടര്‍ന്ന് വെടിവച്ചു എന്ന് പറയപ്പെടുന്ന 20 വയസ്സുകാരനെ പൊലീസ് അറസ്റ്റു ചെയ്തു. ഈ യുവാവിന്റെ പിതാവിനെയും പൊലീസ് ചോദ്യം ചെയ്യുന്നുണ്ട്.

വാന്‍ എസ്പിനൊസ് (62) വാന്‍ സാന്‍ഡോവല്‍ (20) ജറമിസാന്‍ ഡോവല്‍ (22) നിക്കി സാന്‍ഡോവല്‍ (25) എന്നിവരാണു കൊല്ലപ്പെട്ടത്. വാന്‍ എസിപിനോസിന്റെ കൊച്ചു മക്കളാണു മറ്റു മൂന്നു പേരും. ഗുരുതരമായി പരുക്കേറ്റ നാല്‍പത്തി മൂന്നുകാരനെ ആശുപത്രിയില്‍ പ്രവേശിപ്പിച്ചിട്ടുണ്ട്.

-ADVERTISEMENT-

You might also like